ຄະນະໂຄສະນາອົບຮົມແຂວງສາລະວັນ ເປີດຮຽນສະໜັບສະໜູນ ໃຫ້ມະຫາຊົນຜູ້ທີ່ມີຄວາມກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກ ປະຊາຊົນປະຕິວັດລາວ

ລາຍລະອຽດ

ສ້າງຂື້ນເມື່ອ ວັນພະຫັດ, 01 ກໍລະກົດ 2021 02:38

ຂຽນໂດຍ ຄອຂ ສາລະວັນ

ຄະນະໂຄສະນາອົບຮົມແຂວງສາລະວັນ ເປີດຮຽນສະ ໜັບສະໜູນ ໃຫ້ມະ ຫາຊົນຜູ້ທີ່ມີຄວາມກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກ ປະຊາ ຊົນປະຕິວັດລາວ. ໂດຍປະຕິບັດຕາມ: ໃບອະນຸມັດຂອງຄະນະຈັດຕັ້ງແຂວງສາລະວັນ ສະບັບເລກທີ 23,25, 30, 31, 32 ແລະ 34/ຄຈຂ,ສວ, ລົງວັນທີ 21/6/2021 ວ່າດ້ວຍ: ການອະນຸມັດຮຽນສະໜັນສະໜູນ.

ພິທີໄດ້ຈັດຂຶ້ນໃນຕອນເຊົ້າວັນທີ 1 ກໍລະກົດ 2021 ນີ້ ຢູ່ຫ້ອງປະຊຸມຂອງພະແນກການເງິນແຂວງ ໂດຍໃຫ້ກຽດເຂົ້າຮ່ວມ ແລະ ບັນຍາຍເອກະສານ ຂອງສະຫາຍ ເປັງ ລາດຄໍາພູມີ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ. ໃນນັ້ນ ,ມີມະຫາຊົນຜູ້ທີ່ມີຄວາມກ້າວໜ້າ ເຂົ້້າຮ່ວມຮຽນຈາກ 6 ພະແນກການອ້ອມແຂວງ ເປັນຕົ້ນແມ່ນ ຄະນະໜ່ວຍພັກລັດວິສາຫະກິດໄຟຟ້າລາວ ສາຂາແຂວງສາລະວັນ, ຄະນະພັກຮາກຖານພະແນກແຮງງານ ແລະ ແລະ ສະຫວັດດີການສັມຄົມແຂວງ, ຄະນະພັກຮາກຖານພະແນກສຶກສາທິການ ແລະ ກິລາແຂວງ, ໜ່ວຍພັກພະແນກການຕ່າງປະເທດ, ຄະນະພັກຮາກຖານພະແນກການເງິນແຂວງ ແລະ ຄະນະພັກຮາກຖານພະແນກກະສິກໍາ ແລະ ປ່າໄມ້ແຂວງ ເຊິ່ງມີຈໍານວນພົນທັງໝົດ 19 ສະຫາຍ, ຍິງ 9 ສະຫາຍ. ໃນພິທີມະຫາຊົນຜູ້ທີ່ມີຄວາມກ້າວໜ້າ ໄດ້ຮັບຟັງການເຊື່ອມຊືມເອກະສານຕ່າງໆກ່ຽວກັບພັກ ເຊິ່ງມີທັງໝົດ 11 ຫົວຂໍ້ຄື: 1, ພັກການເມືອງແມ່ນຫຍັງ?, ເປັນຫຍັງຈີ່ງມີພັກການເມືອງ?, 2 ພັກປະຊາຊົນ ປະຕິວັດລາວໄດ້ຮັບການສ້າງຕັ້ງຂື້ນຄືແນວໃດ?, 3 ພັກປະຊາຊົນປະຕິວັດລາວ ແມ່ນພັກແນວໃດ?, 4 ພັກປະຊາຊົນປະຕິວັດລາວ ຈັດຕັ້ງຕາມຫຼັກການອັນໃດແດ່?, 5 ພັກປະຊາຊົນປະຕິວັດລາວມີສາຍໃຍການຈັດຕັ້ງຄືແນວໃດ?, 6 ພັກປະຊາຊົນ ປະຕິວັດລາວ ປະກອບດ້ວຍບຸກຄົນຄືແນວໃດ?, 7 ພັກປະຊາຊົນ ປະຕິວັດລາວມີວັດຖຸປະສົງ ແລະ ອຸດົມການຄືແນວໃດ?, 8 ພັກປະຊາຊົນ ປະຕິວັດລາວ ມີທາດແທ້ແນວໃດແດ່? 9 ມາດຖານຂອງສະມາຊິກພັກ ແລະ ເງື່ອນໄຂ ຜູ້ຈະເຂົ້າເປັນສະມາຊິກພັກ ປະຊາຊົນ ປະຕິວັດລາວມີແນວໃດແດ່?, 10 ສະມາຊິກພັກມີໜ້າທີ່, ພັນທະ ແລະ ຜົນປະໂຫຍດຫຍັງແດ່? ແລະ 11 ຂໍ້ຫ້າມສຳລັບສະມາຊິກພັກປະຊາຊົນ ປະຕິວັດລາວ.

ຜ່ານການເຊື່ອມຊຶມເອກະສານສຶກສາອົບຮົມເປົ້າໝາຍຂະຫຍາຍເຂົ້າພັກ ໄດ້ເຮັດໃຫ້ມະຫາຊົນ ຜູ້ທີ່ມີຄວາມກ້າວໜ້າ ໄດ້ຮັບຮູ້ເຂົ້າໃຈເບື້ອງຕົ້ນ ກ່ຽວກັບປະຫວັດຄວາມເປັນມາ, ອຸດົມການ ແລະ ທາດແທ້ຂອງພັກ, ເຂົ້າໃຈກ່ຽວກັບມາດຖານ, ເງື່ອນໄຂ ແລະ ຜົນປະໂຫຍດທີ່ຈະໄດ້ຮັບຂອງສະມາຊິກພັກ.

ພ້ອມດຽວກັນນັ້ນ ສະຫາຍ ເປັງ ລາດຄໍາພູມີ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ກໍ່ໄດ້ມອບໃບຢັ້ງຢືນໃຫ້ແກ່ມະຫາຊົນກ້າວໜ້າ ທີ່ໄດ້ຜ່ານການຮຽນສະໜັບສະໜູນຄັ້ງນີ້ ເພື່ອເປັນການຢັ້ງຢືນ ແລະ ເປັນການທົດສອບໃນການຝຶກຝົນຫຼໍ່ຫຼອມວຽກງານຂອງມະຫາຊົນ ຜູ້ທີ່ມີຄວາມກ້າວໜ້າ ຕາມການມອບໝາຍຂອງຂັ້ນເທິງຕົນ.

• < ຕໍ່ໄປ
• ຕໍ່ໄປ >