ຄະນະໂຄສະນາອົບຮົມແຂວງວາລະວັນ ຈັດອົບຮົມວຽກງານການເມືອງ-ແນວຄິດ ໃຫ້ນັກທຸລະກິດ ທົ່ວແຂວງສາລະວັນ ທີີ່ ຊຸດທີ 01 ປະຈຳປີ 2023

ລາຍລະອຽດ

ສ້າງຂື້ນເມື່ອ ວັນພຸດ, 01 ມີນາ 2023 01:37

ຂຽນໂດຍ ຄອຂ ສາລະວັນ

ຄະນະໂຄສະນາອົບຮົມແຂວງສາລະວັນ, ຮ່ວມກັບສະພາການຄ້າ ແລະ ອຸດສາຫະກຳແຂວງ ແລະ ເມືອງຕຸ້ມລານ ໄດ້ຈັດອົບຮົມການເມືອງ-ແນວຄິດ ໃຫ້ນັກທຸລະກິດ ກໍ່ຄືຜູ້ປະກອບການຕ່າງໆ ທີ່ເຄື່ອນໄຫວດຳເນີນທຸລະກິດ ຢູ່ເມືອງຕຸ້ມລານ ໃນຕອນເຊົົ້າຂອງວັນທີ 28 ກຸມພາ 2023 ຢູ່ທີ່ສະໂມສອນຂອງເມືອງ, ໂດຍໃຫ້ກຽດເຂົ້າຮ່ວມ ແລະ ເປັນປະທານຂອງທ່ານ ຈັນສະໝອນ ພົມມະແສງ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ໃຫ້ກຽດເຂົ້າຮ່ວມ ຂອງທ່ານ ຄຳຜ່ານ ສີລາວີ ກຳມະການພັກແຂວງ, ຫົວໜ້າພະແນກອຸດສາຫະກຳ ແລະ ການຄ້າແຂວງ, ທ່ານ ເປັງ ລາດຄຳພູມີ ຮອງຫົວໜ້າຄະນະໂຄສະນາອົບຮົມແຂວງ, ທ່ານ ນາງ ອິນແປງ ຊາມົນຕີ ປະທານ ສະພາການຄ້າ ແລະ ອຸດສາຫະກຳແຂວງ, ທ່ານ ສົມຄິດ ກອງໄຊສະຫວັດ ຮອງເລຂາພັກເມືອງ, ຜູ້ຊີ້ນຳວຽກງານການເມືອງ-ແນວຄິດ, ທ່ານ ນາງ ແກ່ນຈັນ  ຈັນທະສອນ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງ, ມີບັນດາຄະນະຮັບຜິດຊອບຂັ້ນແຂວງ, ເມືອງ ແລະ ນັກທຸລະກິດ ເຂົ້າຮ່ວມຢ່າງພ້ອມພຽງ.

    ຈຸດປະສົງໃນການອົບຮົົມຄັ້ງນີ້ ກໍ່ເພື່ອ ເພື່ອເຮັດໃຫ້ນັກທຸລະກິດລາວຮັບຮູ້-ເຂົ້າໃຈ ກ່ຽວກັບມູນເຊື້ອຂອງຊາດລາວ, ແນວທາງເສດຖະກິດ ຂອງພັກ, ເຂົ້າໃຈກ່ຽວກັບຈັນຍາບັນ ແລະ ທິດທາງໃນການຝຶກຝົນຫຼໍ່ຫຼອມຈັນຍາບັນຂອງນັກທຸລະກິດລາວ, ຮັບຮູ້-ເຂົ້າໃຈກ່ຽວກັບພາລະບົດບາດ ຂອງສະພາການຄ້າ ແລະ ອຸດສາຫະກຳແຫ່ງຊາດ. ເພື່ອເປັນການສຶກສາອົບຮົມນັກທຸລະກິດ ກໍ່ຄືຜູ້ປະກອບການຫົວໜ່ວຍທຸລະກິດຕ່າງໆ ຍົກສູງສະຕິລະວັງຕົວຕໍ່ ກົນອຸບາຍຂອງພວກບໍ່ຫວັງດີທີ່ສວຍໃຊ້ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ບັນຫາຢາເສບຕິດ ເພື່ອມ້າງເພຄວາມສາມັກຄີພາຍໃນປະເທດເຮົາ, ຮັບປະກັນການປົກປັກຮັກສາ ແລະ ເພີ່ມທະວີຄວາມສາມັກຄີເປັນປຶກ ແຜ່ນພາຍໃນສັງຄົມ ໃຫ້ໜັກແໜ້ນຍິ່ງໆຂຶ້ນ. ເອກະສານທີ່ນຳເຂົ້າໃນການອົບຮົມຄັ້ງນີ້ ປະກອບມີ: ເສີມຂະຫຍາຍມູນເຊື້ອຂອງຊາດລາວ, ແນວທາງເສດຖະກິດຂອງພັກ, ຈັນຍາບັນຂອງນັກທຸລະກິດ ແລະ ດຳລັດ 237/ນຍ ວ່າດ້ວຍພາລະບົດບາດ ແລະ ການເຄື່ອນໄຫວ ຂອງສະພາການຄ້າ ແລະ ອຸດສາຫະກຳແຫ່ງຊາດ ແລະ ການເຂົ້າເຖິງແຫ່ງທຶນ SME.

    ມາຮອດເວລາ 12:00 ໂມງ ໂດຍໃຊ້ເວລາ 1 ຄາບ, ບັ້ນອົບຮົມການເມືອງ-ແນວຄິດ ໃຫ້ແກ່ນັກທຸລະກິດ ທົົ່ວແຂວງສາລະວັນ ທີ່ເມືອງຕຸ້ມລານ ຊຸດທີ 01 ປະຈຳປີ 2023 ກໍ່ສິ້ນສຸດລົງດ້ວຍຜົນສຳເລັດຢ່າງຈົບງາມ.

• ຕໍ່ໄປ >