ໜ່ວຍພັກຄະນະໂຄສະນາອົບຮົມແຂວງສາລະວັນ ເປີດກອງປະຊຸມໃຫຍ່ສະມາຊິກພັກ ຄັ້ງທີ IV

ສ້າງຂື້ນເມື່ອ ວັນພະຫັດ, 30 ມັງກອນ 2020 02:34
ຂຽນໂດຍ ຄອຂ ສາລະວັນ

- ອີງຕາມ: ກົດລະບຽບພັກປະຊາຊົນປະຕິວັດລາວ ສະໄໝທີ X ໝວດທີ VI, ວ່າດ້ວຍ: ສະໄໝກອງປະຊຸມໃຫຍ່ຂອງຄະນະ ພັກຮາກຖານ, ໜ່ວຍພັກຮາກຖານ ແລະ ໜ່ວຍພັກທີ່ຂຶ້ນກັບຄະນະພັກຮາກຖານ ແລະ ອີງຕາມ: ມະຕິຕົກລົງຂອງຄະນະປະຈໍາພັກແຂວງ, ສະບັບເລກທີ 386/ຄຈພຂ.ສວ, ລົງວັນທີ 28 ມັງກອນ 2020 ວ່າດ້ວຍ: ການອະນຸມັດໃຫ້ໜ່ວຍພັກຄະນະໂຄສະນາອົບຮົມແຂວງສາລະວັນ ເປີດກອງປະຊຸມໃຫຍ່ສະມາຊິກພັກ ຄັ້ງທີ IV ຂອງໜ່ວຍພັກຄະນະໂຄສະນາອົບຮົມແຂວງ ມາໃນຕອນເຊົ້າຂອງວັນທີ 28 ມັງກອນ 2020 ນີ້ ໜ່ວຍພັກຄະນະໂຄສະນາອົບຮົມແຂວງສາລະວັນ ໄດ້ຈັດຕັ້ງກອງປະຊຸມໃຫຍ່ສະມາຊິກພັກ ຄັ້ງທີ IV ຂຶ້ນຢ່າງເປັນທາງການ ຢູ່ທີ່ຫ້ອງປະຊຸມຊັ້ນ III ຂອງຫ້ອງວ່າການແຂວງ ໂດຍໃຫ້ກຽດເປັນປະທານຂອງສະຫາຍ ສີເຮັງ ຫອມສົມບັດ ຄະນະປະຈໍາພັກແຂວງ,ຫົວໜ້າຄະນະໂຄສະນາອົບຮົມ, ທັງແມ່ນເລຂາໜ່ວຍພັກ ຊຸດເກົ່າ ຂອງຄະນະໂຄສະນາອົບຮົມ

ແຂວງ ແລະ ເປັນກຽດເຂົ້າຮ່ວມ ມີບັນດາສະຫາຍ ຕ່າງໜ້າ ຈາກຄະນະຈັດຕັ້ງແຂວງ, ຄະນະກວດກາແຂວງ, ຫ້ອງວ່າການແຂວງ, ສະມາຊິກພັກສົມບູນ, ສໍາຮອງ, ແລະ ມະຫາຊົນກ້າວໜ້າ ຈາກຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 25 ສະຫາຍ, ຍິງ 9 ສະຫາຍ ກອງປະຊຸມຄັ້ງນີ້ ໄດ້ຮັບຟັງການຜ່ານຮ່າງລາຍງານການເມືອງ, ແຜນພັດທະນະເສດຖະ ກິດ-ສັງຄົມແລະບົດສໍາຫຼວດການນໍາພາຂອງໜ່ວຍພັກ ຂອງສະຫາຍ ຄໍາສິງ ແກ້ວອໍາພອນ ຮອງຫົວໜ້າຄະນະໂຄສະນາອົບຮົມແຂວງ ແລະ ກອງປະຊຸມເປັນເອກະສັນກັນຮັບຮອງເອົາບົດດັ່ງກ່າວ, ຫຼັງຈາກນນັ້ນ, ໄດ້ປ່ອນບັດຄັດເລືອກເອົາຄະນະພັກຊຸດໃໝ່ຂອງໜ່ວຍ ກອງປະຊຸມໄດ້ຄັດເລືອກເອົາ ສະຫາຍ ຄໍາສິງ ແກ້ວອໍາພອນ ຮອງຫົວ ໜ້າຄະນະໂຄສະນາອົບຮົມແຂວງ ເປັນເລຂາໜ່ວຍພັກຊຸດໃໝ່, ສະຫາຍ ເປັງ ລາດຄໍາມີ ຫົວໜ້າຫ້ອງບໍລິຫານ ເປັນເລຂາໜ່ວຍພັກ ແລະ ໄດ້ເລືອກເອົາສະຫາຍ ນາງ ບຸຜາ ສຸດທິຈັກ ຫົວໜ້າຂະແໜງອົບຮົມ ເປັນຄະນະໜ່ວຍພັກ ທັງເປັນຄະນະປະທານກວດກາປະຈໍາໜ່ວຍ ໃນຕອນທ້າຍໄດ້ຮັບຟັງການໂອ້ລົມຈາກຄະນະພັກຂັ້ນເທິງ ເຊິ່ງທ່ານ ໄດ້ຊີ້ທິດເຍືອງທາງ ໃຫ້ຄະນະພັກຊຸດໃໝ່ຕ້ອງເອົາໃຈໃສ່ 4 ບັນຫາ ແລະ ທ່ານ ໄດ້ຍ້ອງຍໍຊົມເຊີຍຕໍ່ຜົນງານທີ່ໜ່ວຍພັກຍາດມາໄດ້ໃນໄລຍະຜ່ານມາ ແລະຕ້ອງສືບຕໍ່ເອົາໃຈໃສ່ຈຸດອ່ອນຂໍ້ຄົງຄ້າງຈໍານວນ. ໃນຕອນທ້າຍກອງປະຊຸມຮັບຍົກບັດຮັບຮອງເອົາຮ່າງປະຊາມະຕິກອງປະຊຸມ ແລະ ໄດ້ປິດດ້ວຍຜົນສໍາເລັດຢ່າງຈົມງາມ.