ສາລະວັນ ເຊື່ອມຊຶມ ແລະ ຜັນຂະຫຍາຍ ຜົນສຳເລັດ ກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກສະໄໝທີ XI

ລາຍລະອຽດ

ສ້າງຂື້ນເມື່ອ ວັນພະຫັດ, 19 ຕຸລາ 2023 02:35

ຂຽນໂດຍ ຄອຂ ສາລະວັນ

ເພື່ອເຮັດໃຫ້ຄະນະພັກຮາກຖານ ແລະ ບັນດາໜ່ວຍພັກຕ່າງໆ ຢູ່ອ້ອມຂ້າງແຂວງແລະ ເມືອງ ໄດ້ເຊື່ອມຊຶມ, ຮັບຮູ້, ເຂົ້າໃຈ, ກໍາແໜ້ນເນື້ອໃນມະຕິກອງປະຊຸມ ຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI, ເປັນເຈົ້າການ ຍົກສູງຄວາມຮັບຜິດຊອບໜ້າທີ່ການເມືອງ ໃນການປະຕິບັດມະຕິດັ່ງກ່າວ ໃຫ້ປະກົດຜົນເປັນຈິງ ມາໃນວັນທີ 19 ຕຸລາ 2023 ຢູ່ທີ່ສະໂມສອນໃຫຍ່ຂອງແຂວງ ໄດ້ຈັດກອງປະຊຸມເຊືອມຊຶມ ແລະ ຂະຫຍາຍຜົນສໍາເລັດ ກອງປະຊຸມ ຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ຄັ້ງທີ XI ແລະ ບັນດາຄໍາສັ່ງ, ຄໍາແນະນໍາຂອງສູນກາງພັກ ວ່າດ້ວຍ ການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ຂຶ້ນ ໂດຍພາຍໃຕ້ການເປັນປະທານຂອງ ສະຫາຍ ດາວວົງ ພອນແກ້ວ ກໍາມະການສູນກາງພັກ, ເລຂາພັກແຂວງ-ເຈົ້າແຂວງໆສາລະວັນ, ມີຄະນະປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ-ເຈົ້າເມືອງ, ຮອງເລຂາພັກເມືອງ, ຮອງເຈົ້າເມືອງ, ຄະນະປະຈໍາພັກເມືອງ 8 ເມືອງ, ເລຂາຄະນະພັກຮາກຖານ, ເລຂາໜ່ວຍພັກ ອ້ອມຂ້າງແຂວງ ແລະ ທິມງານກໍ່ລົງສ້າງຮາກຖານການເມືອງ 8 ເມືອງ ເຂົ້າຮ່ວມ.

ໃນກອງປະຊຸມ ຈະໄດ້ເຊື່ອມຊຶມ ບັນດາເອກະສານທີ່ສໍາຄັນຄື: ຄຳສັ່ງແນະນຳ ວ່າດ້ວຍ ການຜັນຂະຫຍາຍຜົນສໍາເລັດ ກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ມະຕິກອງປະຊຸມ ຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ບົດຕີລາຄາການຈັດຕັ້ງປະຕິບັດ ມະຕິກອງປະຊຸມໃຫຍ່ ກາງສະໄຫມ ຄະນະບໍລິຫານງານສູນກາງພັກ ສະໄຫມທີ XI; ບົດຫຼຸບການຈັດຕັ້ງປະຕິບັດກາງສະໄໝ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X (2021-2025) ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ທິດທາງແຜນການທ້າຍສະໄໝ ຮອດປີ 2025; ບົດສຳຫຼວດການນຳພາລວມ ໄລຍະກາງສະໄໝ ຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ບົດຄວາມເຫັນສະຫຼຸບ ວາລະເປີດກວ້າງ ແລະ ວາລະພາຍໃນ ຂອງ

ສະຫາຍເລຂາທິການໃຫຍ່; ມະຕິວ່າດ້ວຍ ສືບຕໍ່ຍູ້ແຮງ ການຜັນຂະຫຍາຍແນວທາງປ່ຽນແປງໃໝ່ ສູ່ລວງເລິກ ແລະ ຮອບດ້ານໃນການນຳພາຂອງພັກ; ແຜນດຳເນີນງານ ຜັນຂະຫຍາຍມະຕິວ່າດ້ວຍ ສືບຕໍ່ຍູ້ແຮງ ການຜັນຂະຫຍາຍແນວທາງປ່ຽນແປງໃໝ່ ສູ່ລວງເລິກ ແລະ ຮອບດ້ານໃນການນຳພາຂອງພັກ ຈາກນັ້ນ, ຍັງໄດ້ເຊື່ອມຊຶມຄໍາແນະນໍາຂອງຄະນະໂຄສະນາອົບຮົມສູນກາງພັກ ວ່າດ້ວຍ ການເຊື່ອມຊຶມແລະ ຜັນຂະຫຍາຍຜົນສໍາເລັດຂອງກອງປະຊຸມ ຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ຄໍາແນະນໍາກ່ຽວກັບ ການຜັນຂະຫຍາຍມະຕິກອງປະຊຸມຄົບຄະນະ ກາງສະ ໄໝ ຂອງຄະນະບໍລິຫານງານສູນກາງພັກ ເປັນແບບຄໍາຖາມ; ຄໍາສັ່ງ ຂອງຄະນະເລຂາທິການສູນກາງພັກ ວ່າດ້ວຍ ການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງພັກ; ຄໍາສັ່ງແນະນໍາຂອງຄະນະປະຈໍາພັກແຂວງ ວ່າດ້ວຍ ການກະກຽມ ແລະ ດໍເນີນກອງປະຊຸມໃຫຍ່ 3 ຂັ້ນຂອງພັກ; ຄໍາແນະນໍາຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດຄໍາສັ່ງຂອງຄະນະເລຂາທິການສູນກາງພັກ ວ່າດ້ວຍ ການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ແລະ ຈາກນັ້ນ ກໍຍັງໄດ້ເຊື່ອມຊຶມ ເອກະສານທີ່ສໍາຄັນອື່ນໆອີກ ຈໍານວນໜື່ງ.

ກອງປະຊຸມ ຈະດໍາເນີນເປັນເວລາ 2 ວັນ ຕອນບ່າຍ 19-20 ຕຸລາ 2023 ຈຶ່ງຈະປິດລົງ.

• < ຕໍ່ໄປ
• ຕໍ່ໄປ >